Mae’n bleser gennym ddarparu diweddariad i’r canllawiau Deddf Rhentu Cartrefi (Cymru) 2016 y buom yn eu datblygu mewn partneriaeth gyda Phrosiect Rhwydweithiau Tai yr awdurdodau lleol a Chynghorau Iechyd Cymuned (CIC).
Cefndir
Cyn yr haf buom yn cynnal trafodaethau gyda’n Grŵp Rhentu Cartrefi: Llety â Cymorth ynghylch sut i reoli gwaharddiadau dros dro ac ymestyn trwyddedau. Mynegwyd pryderon ynghylch diffyg canllawiau gan Lywodraeth Cymru ynghylch ymestyn trwyddedau, a chodwyd cwestiynau hefyd ynghylch y broses i reoli gwaharddiadau dros dro. O ganlyniad, roeddem wedi ymrwymo i ffurfio grŵp gorchwyl a gorffen bychan gyda’r Rhwydwaith Cymorth Tai a datblygu rhai canllawiau gweithredol ar gyfer y sector.
Diweddariad
I ddechrau, hoffem ddiolch yn fawr iawn i’r darparwyr llety â chymorth a’r awdurdodau lleol a ymunodd â’r grŵp gorchwyl a gorffen – roeddem yn wir yn gwerthfawrogi eich arbenigedd a’ch mewnbwn. Gyda’n gilydd, fe ddatblygon ni ddau ddarn o ganllawiau gweithredol a’u rhannu gyda Llywodraeth Cymru. Roedd hyn yn amlygu’r angen ar i Lywodraeth Cymru ddarparu arweiniad ar yr amgylchiadau lle gellid ymestyn trwydded. O ganlyniad, cytunodd Llywodraeth Cymru i gyhoeddi eu canllawiau polisi ar y mater hwn – rhywbeth rydym yn ei groesawu’n fawr.
O ganlyniad, gallwn yn awr rannu’r canlynol gyda chi:
- Canllawiau newydd Llywodraeth Cymru: Supported accommodation: exceptional approach to extending the relevant period for a tenancy or licence
- Canllawiau gweithredol newydd Cymorth / Rhwydwaith Cymorth Tai / CIC: Extending the relevant period for licence agreements in supported accommodation
- Canllawiau gweithredol newydd Cymorth / Rhwydwaith Cymorth Tai / CIC: Temporary exclusions in supported accommodation
